Ƴan bindiga sama da 50 sun kai hari kauyuka uku, tare da kashe mutum takwas a Kebbi
Fiye da ’yan bindiga 50 dauke da makamai sun kai hari kauyuka uku na Kaiwa, Gebbe da Gelawa da ke cikin karamar hukumar Shanga ta Jihar Kebbi, inda suka kashe mutane takwas.
Wata majiya ta bayyana cewa maharan sun zo ne a kan babura, masu tarin yawa, inda suka kai hare-haren a lokaci guda kan fararen hula da ba su ji ba su gani ba.
Ya bayyana cewa wasu daga cikin mazauna yankin sun samu tserewa zuwa cikin dazuka da ke kusa bayan sun hangi ’yan bindigar, sai dai wasu ba su samu damar tserewa ba.
