A Kano Wani jami’in hukumar tsaron farin kaya ta Civil Defence ya rasa ransa yayin rabon tallafin Ramadan a ƙaramar hukumar Tudun Wada da ke jihar Kano.
Lamarin ya faru ne a ranar Juma’a yayin wani shiri da ɗan majalisar wakilai mai wakiltar mazabar Doguwa/Tudun Wada, Alhassan Ado Doguwa, ya shirya domin raba tallafin ga al’umma.
Rahotanni sun ce jami’in ya rasu ne a lokacin gudanar da rabon tallafin da aka tanada domin taimakawa jama’a a lokacin Ramadan da kuma bukukuwan idin karamar Sallah.
