Wani ɗan Majalisar tarayya, Abdulmalik Zubairu na jam’iyyar APC a jihar Zamfara, ya bai wa malamailn addinin Musulunci 12 a sabbin motoci kirar Toyota Camry, waɗanda darajarsu ta kai Naira miliyan 360.

Kamfanin dillancin labarai na Najeriya,NAN ya ruwaito cewa Zubairu, shi ne ɗan majissar wakilai mai wakiltar mazabar Bungudu da Maru a majalisar tarayya.

Daga cikin waɗanda suka amfana da tallafin motocin akwai Abdullahi Dalla-Dalla da Na’Allah Zurmi da Usman Tambuwal da Atiku Zawiyya da Yusuf Dinawa da Abubakar Sodangi da da Ibrahim Zawiyya.

Gwamnan Jihar Zamfara, Dauda Lawal, wanda ya miƙa motocin ga waɗanda suka amfana a madadin ɗan majalisar, ya yaba da wannan kyakkyawan karamci da Abdulmalik Zubairu ya nuna na tallafa wa malaman addinin Musulunci a jihar.