Rashin tabbas ya mamaye masu yunkurin zuwa Umarah a Nigeria, a yayin da rikicin Iran da Amurika ke ci-gaba da kassara zirga-zirgar jiragen sama.
Rahotanni sun ce dimbin musulmi ne ke yin umarah a cikin Ramadan, inda a bara aka samu akalla mutum miliyan 122 da su ka yi ibadar.
To sai dai, rikicin da ake fuskanta a gabas ta tsakiya, baya ga rufe sararin samaniyar manyan kasashe irin Doha da Dubai, na tilastawa yan Nigeria sauya tsarin tafiyar tasu.
Tuni lamarin ya haddasa damuwa game da yanayin kariya da lokutan da za a shafe kafin tashi da saukar jirgi, inda mutane da dama ke shakku game da zuwa umarah a wannan shekara.
Daga cikin manyan kamfunnan jiragen sama da suka dakatar da zirga-zirga akwai Emirates, Etihad, Qatar Airways, Air France, British Airways, Syria Air, Air India, Turkish Airlines, EgyptAir, Lufthansa da kuma Ethiopia Airlines.
