Jami’an Hukumar Hisbah a Jihar Kebbi, ƙarƙashin Ma’aikatar lamurran Addini, sun kama matasa 25 a garin Argungu bisa zargin aikata ayyukan da suka saɓa da ɗabi’a.
Daraktan Shari’a na Hukumar, Sirajo Kamba, ne ya tabbatar da hakan a cikin wata sanarwa da aka bai wa Kamfanin Dillancin Labarai na Najeriya (NAN) a Birnin Kebbi.
Kamba ya ƙara da cewa hukumar za ta gudanar da cikakken bincike bisa tanadin doka, kuma duk wanda aka samu da laifi zai fuskanci matakin shari’a da ya dace.
