Mai Magana da yawun jamiyyar ADC, kuma tsohon ministan matasa da wasanni, Mallam Bolaji Abdullahi ya ce karuwar rashin tsaro a Nigeria na nuna cewa babu gwamnati a kasar nan.
Abdullahi na tsokaci ne kan wani sako da shugaban kasa Bola Tinubu ya wallafa a shafin X a shekarar 2014, inda ya koka kan kazantar rashin tsaro karkashin tsohon shugaban kasa Goodluck Jonathan.Tinubu, wanda a lokacin babban dan adawa, ya sha sukar manufofin gwamnatin Jonathan, musamman bayan bullar hare-haren Boko Haram a yankin arewa maso gabas.
Da yake tsokaci kan tsohon sakon, Abdullahi ya ce sabbin hare-haren da ake fuskanta a halin yanzu na nuna cewa babu gwamnati a Nigeria.
Ya kara da cewa, kashen da ke faruwa a Kwara, Katsina da sauran sassan kasar nan, kazalika da kisan kiyashin da ake yiwa yan Nigeria a kusan kullum, babban dalili ne dake tabbatar da cewa babu gwamnati a Nigeria.
