Kungiyar Malaman Jami’o’i (ASUU), reshen Jami’ar Jihar Kaduna (KASU), ta ce sama da malamai 200 sun bar jami’ar sakamakon rashin kyawun yanayin aiki da kuma rashin aiwatar da yarjejeniyar da Gwamnatin Tarayya ta cimma da ASUU a shekarar 2025.
Shugaban kungiyar ASUU na jami’ar KASU, Dr Abubakar Abdullahi, ne ya bayyana hakan yayin wani taron manema labarai da aka gudanar a Kaduna.
Sakamakon haka, kungiyar takan bai wa mahukuntan jami’ar da sauran masu ruwa da tsaki wa’adin makonni biyu su fara aiwatar da yarjejeniyar tare da tabbatar da aiki da ita a jami’ar. Kungiyar ASUU ta yi gargadin cewa, idan ba a dauki matakin da ya dace ba, za ta tsunduma yajin aiki na gaba daya kuma na sai baba-ta-gani.
