Gwamnatin tarayya ta ce magidanta miliyan 9.2 ne suka amfana da shirin bada tallafin kudi domin yaki da talauci.

Shirin, wanda ke gudana karkashin kudurin Sabunta Fata na shugaban kasa Bola Ahmed Tinubu, ya samu karbuwa sosai a tsakanin magidanta masu karamin karfi a fadin Nigeria.

Ministan yada labarai da wayar da kan jama’a, Mohammed Idris, ya ce yanzu haka gwamnatin tarayya na fatan tallafawa wasu karin magidanta miliyan 15 a karkashin shirin.

Da yake zantawa a taron manema labarai a Abuja, ministan jinkai da rage fatara, Dr Nernard Doro, ya bayyana shirin a matsayin sauyi daga matakai masu garejen zango da gwamnati ke dauka zuwa tsarin bada tallafi na musamman.

A karkashin shirin dai, kowane magidanci zai samu naira 75,000 na tsawon wata uku, domin siyen abinci, kiwon lafiya da kuma ilimi.