Hanga, wanda sanata ne mai wakiltar Kano ta tsakiya a karkashin jamiyyar NDC, ya fice daga jamiyyar bayan sun raba gari da babban aminisa, Sanata Rabiu Musa Kwankwaso.

Shi kuwa Gaya, sanata mai wakiltar Kano ta kudu, ya fice daga NDC tare da raba gari da darikar Kwankwasiyya, kuma gabanin hakan, dan jamiyyar APC kafin daga bisani ya hade da Kwankwaso a jamiyyar NNPP.

Hanga da Gaya sun rasa damarsu ta samun tikicin jamiyyar NDC a zaben fitar da yan takara, inda Kwankwaso ya yi musu yankan baya.

Ana ganin komawar manyan yan siyasar biyu a APC zai karfafa jamiyyar, tare da raunana tafiyar Kwankwasiyya a gabanin zabe mai zuwa.

Shugaban kasa Bola Tinubu ya karbi manyan yan siyasar biyu bisa jagorancin mataimakin shugaban majalisar dattawa, Barau I Jibrin, inda za a shirya musu taro na musamman.