Kwamishinan matasa da wasanni na jihar Borno, Sainna Buba, ya tayar da hazo, bayan ya yi barazanar cire yatsar duk wani dan adawa da ya zabi wata jamiyya ba APC ba.
Buba ya bayyana hakan ne yayin kaddamar da kungiyar City Boy Movement, wacce ke goyon bayan tazarcen shugaban kasa Bola Tinubu a 2027.
Da yake gabatar da jawabi ga mahalarta taron, kwamishinan ya gargadi yan adawa da masu sukar gwamnati, inda ya yi amfani da kalamai masu nauyi.
Baya ga barazanar illatawa, Buba ya kuma bayyana wani shiri da gwamnati za ta bullo da shi, wanda ya ce zai shafi iya wadanda suka zabe ta ne.Tuni kalaman na Buba suka tayar da hazo, inda alumma ke diga ayar tambaya kan yanayin siyasar jihar Borno.
