Tsohuwar mai neman takarar gwamnan Jihar Gombe a jam’iyyar PDP, Monica Yahaya Kaltho ta janye ƙarar da ta shigar kan zaɓen fidda gwani na jam’iyyar, tare da bayyana goyon bayanta ga ɗan takarar gwamna na PDP, Farfesa Isa Ali Pantami, gabanin zaɓen 2027.
A cewar jaridar The Punch, Kaltho ta ce ta ɗauki matakin ne bayan tuntuba da kuma girmama roƙon jagoran PDP a jihar, tsohon gwamna Sanata Ibrahim Hassan Dankwambo, domin tabbatar da haɗin kan jam’iyyar.
A nasa ɓangaren, Pantami ya yaba da matakin nata, yana mai cewa hakan alama ce ta kishin jam’iyya da nuna dattako, tare da alƙawarin haɗa kan dukkan masu ruwa da tsaki domin cimma nasara a zaɓen 2027.
