Hukumar tsaro ta farin kaya DSS ta ceto sauran dalibai huɗu na Kwalejin Fasaha ta Tarayya da ke Kaura Namoda a Jihar Zamfara, waɗanda aka sace daga gidansu a ranar 2 ga Yuni.
Daliban, waɗanda suka ƙunshi maza uku da mace ɗaya, an sako su ne a daren Laraba yayin wani samame da aka gudanar bisa ga bayanan sirri, ba tare da biyan kuɗin fansa ba.
Rahotanni sun ce an kama ɗaya daga cikin waɗanda ake zargi da satar daliban yayin aikin, yayin da aka kashe wasu daga cikin masu garkuwar da mutanen.
Daliban na cikin ɗalibai bakwai da aka sace bayan wasu ’yan bindiga sun kai hari gidan da suke zaune a yankin Low-Cost da ke garin Kaura Namoda.
Da yake magana da jaridar TheCable bayan harin, kakakin rundunar ’yan sandan Zamfara, Yazid Abubakar, ya ce ɗaya daga cikin daliban ya tsere a lokacin harin, wanda ya bar wasu shida a hannun masu garkuwar.
