Firaministan Birtaniya, Keir Starmer, ya faɗi hakan ne yayin wata liyafar cin abinci dare da aka shirya wa Hanukkah a fadar Downing Street da ke birnin London na Birtaniya, ranar 16 ga Disamba, 2025.
Firaminista Keir Starmer ya ce Birtaniya ba ta hannu ga hare-haren da Amurka ta kai wa Venezuela a ranar Asabar.
Ya jaddada muhimmancin kiyaye dokokin ƙasa da ƙasa, inda ya ce yana son yin magana da Shugaban Amurka, Donald Trump, domin sanin ainihin abin da ya faru.
Trump ya rubuta a shafinsa na sada zumunta da safiyar ranar Asabar cewa sojojin Amurka sun kama Shugaban Venezuela, Nicolas Maduro, tare da fitar da shi daga ƙasar.
Sai dai Mataimakiyar Shugabar Venezuela, Delcy Rodriguez, ta ce ba ta san inda Maduro yake ba, kuma har yanzu ba ta da tabbacin ko yana raye.
