A wani bayani da ofishin ministan ya fitar, ya bayyana rahotannin a matsayin karya, inda ya bukaci alumma su yi fatali da su.

Bayanin dai na dauke da sa-hannun hadimin ministan kan sha’anin yada labarai, Leah Katung-Babatunde.

A cewar bayanin, an ja hankalin ofishin kan wasu rahotanni da ake yadawa a shafukan sadarwa na zamani da ke ikirarin cewa, General Musa zai ajiye mukaminsa.

Ya jaddada cewa, General Christopher Musa ya mayar da hankalinsa wajan sauke nauyin da ke kansa, da kuma aiwatar da manufofin gwamnati a bangaren tsaro.

Gwamnatin ta kuma bukaci alumma su tantance gaskiyar zance kafin su yada shi ga duniya.