Wani mazauni garin Sauna da ya zanta da lconic FM Nigeria wanda ya nemi a sakaya sunansa, ya ce yan bindigar sun kai harin ne da rana tsaka inda suka mamaye ƙauyuka da dama dake karkashin mazaɓar Sauna.

Ya ce da farko sun yi kokarin shiga garin Sauna amma bayan musayar wuta da ƴan banga sai suka ja baya.

A cewarsa, yan bindigar sun sace dabbobi masu tarin yawa bayan da suka mamaye garuruwa irinsu Zauren Goro, Tulluwa, Unguwar Shanu, Tsangaya, Tudun Namali da kuma Tungar Dahiru.

Haka kuma, ya ce sun kashe mutane da ba a san adadinsu ba a lokacin harin, inda ya ce a gabansa an ɗauko gawar sama da mutum 22 kuma yanzu haka ana ci gaba da neman sauran mutane saboda yan bindigar sun rutsa da manoma ne a lokacin da suke aiki a gonakinsu.

Ya ce lamarin ya fara tun karfe 2:20pm na rana amma jami’an tsaro ba su kai masu ɗauki ba sai da karfe 4:40pm bayan ƴan bindigar sun wuce